ខ្ញីចាស់! បុរសវ័យជាង៥០ឆ្នាំ ម្នាក់ប្រើពូថៅកាប់ទៅលើ​បុរសម្នាក់ជាច្រើនពូថៅរងរបួសធ្ងន់ត្រូវសមត្ថកិច្ចស្រាវជ្រាវឃាត់ខ្លួន

កាលពីថ្ងៃ ព្រហស្បត្តិ៍​៧រោច​ខែ​អស្សុជ​ឆ្នាំ​ឆ្លូវ​ត្រីស័ក​ព.ស.២៥៦៥​ ត្រូវនឹងថ្ងៃទី២៨ ខែតុលា ឆ្នាំ២​០​២១ វេលាម៉ោង ២០ និង០០នាទី នៅចំណុច​លើ​សួនច្បារសម្តេច ក្រឡាហោម ស ខេង ស្ថិតនៅក្នុងភូមិរំចេក៥ សង្កាត់ រតនៈ ក្រុងបាត់ដំបង​ ខេត្តបាត់ដំបង​ អនុវត្តតាម​យោបល់ដឹកនាំរបស់លោក​ឧត្តមសេនីយ៍ទោ​ សាត​ គឹមសាន​ ស្នងការនៃស្នង​ការដ្ឋាននគរ​បាលខេត្តបាត់ដំបង​ រួមនឹងយោ​បល់របស់លោកវរសេនីយ៍ឯក​ លឹម​ ពុទ្ធីឡា​ ស្នងការរងផែនការងារនគរបាល​ព្រហ្មទ័ណ្ឌ​ លោកវរ​សេនីយ៍ឯក​ឈឿ​ង​គឹមសុង​ នាយការិយាល័យនគរបាលនគរបាលព្រហ្មទ័ណ្ឌកម្រិតស្រាលបាន​ដឹកនាំកម្លាំងក្រុមអន្តរាគមន៍ បង្ការ-បង្ក្រាប ចុះប្រតិបត្តិការបង្ក្រាប ករណីហិង្សាដោយចេតនាមានស្ថានទម្ងន់ទោស ០១ករណី និងបានធ្វើការនាំខ្លួនជនសង្ស័យ ០១ នាក់ ឈ្មោះ ហ៊ន សារី ភេទប្រុ​ស អាយុ ៥៧ឆ្នាំ មានទីលំនៅភូមិស្វាយអន្ទា ស្រុកមុខកំពូល ខេត្តកណ្តាល​(ស្នាក់​នៅបណ្តោះអាសន្នលេីសួនច្បារក្នុងក្រុងបាត់ដំបង) មកកាន់ស្នងការដ្ឋាន​នគរបាលខេត្តបាត់ដំបង ។

សូមជម្រាបជូនថា​ មូលហេតុដែលឈានដល់ការឃាត់ខ្លួននេះគឺកាលពីថ្ងៃទី១២ខែតុលា ឆ្នាំ ២០២១ វេលាម៉ោង ០១ និង០០នាទី រំលងអាធ្រាត្រឈា​ន​ចូលថ្ងៃទី១៣ខែ​ តុលា​ឆ្នាំ​២០​២១​ នៅចំណុច លើ​សួនច្បារ ស្ថិតនៅក្នុងភូមិកំពង់ក្របី សង្កាត់ស្វាយ​ប៉ោ ក្រុង​បាត់ដំបង​ ខេត្តបាត់ដំបង ជនសង្ស័​យខាងលើបានធ្វើសកម្មភាព យកពូថៅកា-ប់ទៅលើជនរងគ្រោះ ដែលជនរងគ្រោះជាជន​អានាថាឈ្មោះ​ ពៅ​ ហៅដែន​ភេទប្រុស​អាយុ​ប្រហែល៣៥ឆ្នាំ​ជាច្រេីនពូថៅ បណ្តាលឱ្យរងរបួសធ្ងន់​ និងត្រូវបាន​នាំ​យកទៅសង្រ្គោះនៅមន្ទីរ​ពេទ្យ។

ក្រោយពេលទទួលព័ត៌មាននេះសមត្ថកិច្ចបានធ្វេីការស្រាវជ្រាវស៊េីបអង្កេត​ និងឈានទៅធ្វេីការឃាត់ខ្លួនជនសង័្សយបានតែ​ម្តង។

នៅចំពោះមុខសមត្ថកិច្ចនគរបាលជនសង័្សយបានឆ្លេីយសារភាពថា​ ខ្លួនគាត់ពិរជាបានប្រេី​ពូថៅដៃកា-ប់ទៅ​លេីជនរងគ្រោះឈ្មោះ​ ពៅ​ ហៅ​ដែនជាច្រេីនពូថៅ​ពិតប្រាកដមែននៅក្នុងខណៈដែលជន​រងគ្រោះកំពុងដេកលង់លក់នៅ​លេី​ កៅអីបង់សួនច្បារខាងលិចស្ពានសម្តេច​ ស​ ខេង​ ស្ថិត​នៅ​ភូមិកំពង់ក្របី​ សង្កាត់ស្វាយ​ប៉ោ​ ក្រុង​បាត់ដំបង​ ។

ចំពោះមូលហេតុដែលឈានដល់ការ​លបលួចកា-ប់ទៅលេីជនរងគ្រោះបែបនេះគឺដោយសារតែខ្លួនមានជ​ម្លោះ​ជាមួយជនរងគ្រោះកាលពីយប់ថ្ងៃទី១២ខែ​ តុលា​ឆ្នាំ​២០២១​ ហេីយរហូតដល់រំល​ងអាធ្រាត្រឈានចូលថ្ងៃទី១៣ខែ​ តុលា​ឆ្នាំ​២០​២១​ ជាឱកាសដែលជនរងគ្រោះកំពុងដេកលក់ខ្លួនក៏ធ្វេីសកម្មភាពតែម្តង។

លោកវរសេនីយ៍ឯក​ លឹម​ ពុទ្ធីឡា​ បាន​ឱ្យដឹងថា​ រហូតមកដល់ពេលនេះសមត្ថកិច្ចមិនទាន់រកជនគ្រោះឃេីញ​នៅឡេីយទេ​ ដែលតាមប្រភពថាជនរងគ្រោះបានចាកចេញពីមន្ទីរពេទ្យ​ ក្នុងពេលដែលរូបគាត់មានស្ថានភាពរងរបួសធ្ងន់ធ្ងរ​ ហេី​យ​ពេលនេះមិន​ដឹងថាគាត់ស្ថិតនៅទីកន្លែងណា​នៅ​ឡេីយ​ រីឯទីលំនៅរបស់គាត់ក៏មិនមានទៀត​ដែល​លោកកំពុងធ្វេីការស្រាវជ្រាវរកជនងគ្រោះ។

ទោះជាបែបនេះក្តីពេលនេះសមត្ថកិច្ចរៀបចំសំ​ណុំរឿងបញ្ជូនជនសង័្សយខាងលេីទៅកាន់តុលាការដេីម្បីអនុវត្តតាមនីតិវិធី​ ច្បាប់៕

Book Bus Ticket Online With LankrongTicket.com Book Bus Ticket Online