យ៉ាងហោចណាស់០៨តូប រងការខូចខាតក្នុងហេតុការណ៍ឆាបឆេះផ្សារកំពង់ថ្ម

ខេត្ត​កំពង់​ធំ​៖ កាលពីថ្ងៃទី១៤ ខែវិច្ឆិកាឆ្នាំ២០២១​ វេលាម៉ោង ០២:៣៥​ នាទីយប់​ សិ្ថតនៅចំណុចផ្សារកំពង់ថ្ម ភូមិ ត្រាស់ ឃុំ បល្ល័ង្ក ស្រុកបារាយណ៍​ ខេត្ត​កំពង់​ធំ​ មានករណីអគ្គិភ័យកើតឡើង០១លើកបណ្ដាលឲ្យឆេះតូបលក់អុីវ៉ាន់សរុបចំនួន០៨តូបរួមមាន:

+​ ទី១​ តូបម្ចាស់ឈ្មោះ ឃី ម៉េងឃៀង ភេទ​ ប្រុសអាយុ​ ៤២​ ឆ្នាំ​ ទីលំនៅបច្ចុប្បន្នភូមិព្រៃតាត្រាវ ឃុំបល្ល័ង្ក ស្រុកបារាយណ៍ ឆេះតូបចំនួន០២​ តូបទំហំ​ ៦x៤​ មែត្រ​ ធ្វើអំពីដែកប្រក់ស័ង្កសី ជញ្ចាំងស័ង្កសី ខូចខាតសម្ភាររួមមានៈ
-​ គ្រឿងបន្លាស់រថយន្តអស់ទាំងស្រុង​ (ទាំង២តូប)​ ។

+​ ទី២​ តូបកាត់សក់ម្ចាស់ឈ្មោះ គង់ ភេទប្រុស​ អាយុ​ ៦៣​ ទីលំនៅបច្ចុប្បន្នភូមិ បន្ទាយយមរាជឃុំប្រាសាទ​ ស្រុកសន្ទុក ទំហំ​ ៣x៤​ មែត្រ​ ខូចខាតសម្ភារកាត់សក់មួយចំនួន​ ។

+​ ទី៣​ តូបលក់គ្រឿងអគ្គិសនី ម្ចាស់ឈ្មោះ ស៊ុយ គឹមលាង ភេទ​ ប្រុស​ អាយុ​ ៤៩​ ឆ្នាំ​ ទីលំនៅបច្ចុប្បន្នភូមិត្រស់ឃុំ បល្ល័ង្ក ស្រុក បារាយណ៍ ឆេះតូប០១ខ្នង​ ទំហំ ៣x៤​ មែត្រ​ ធ្វើអំពីដែកប្រក់ស័ង្កសី ជញ្ចាំងស័ង្កសី ខូចខាតសម្ភាររួមមានគ្រឿងអគ្គិសនីមួយចំនួន​ ។

+​ ទី៤​ តូបលក់គ្រឿងបន្លាស់រថយន្តម្ចាស់ឈ្មោះ​ ឃឿង ធា ភេទ​ ប្រុស អាយុ​ ៥១​ ឆ្នាំ មានទីលំនៅបច្ចុប្បន្នភូមិត្រាស់ ឃុំ បល្ល័ង្ក ស្រុកបារាយណ៍ ឆេះតូបចំនួន០១តូបទំហំ​ ៣x៤​ មែត្រ​ ធ្វើអំពីដែកប្រក់ស័ង្កសី ជញ្ចាំងស័ង្កសីខូចខាតសម្ភារៈគ្រឿងបន្លាស់រថយន្តអស់ទាំងស្រុង ។

+​ ទី៥​ តូបលក់នាឡិកាម្ចាស់ឈ្មោះ ណា លី ភេទ​ ប្រុសអាយុ​ ៥០​ ឆ្នាំ មានទីលំនៅបច្ចុប្បន្នភូមិ ធន់មោង ឃុំកំពង់ថ្ម ស្រុកសន្ទុក ឆេះតូបចំនួន០២តូប​ ទំហំ៦x៤​ មែត្រ​ ធ្វើអំដែកប្រក់សង្ក័សី ជញ្ចាំងស័ង្កសី ខូចខាតសម្ភារៈគ្រឿងបន្លាស់នាឡិកានិងនាឡិកាមួយចំនួន​ ។

+​ ទី៦​ តូបលក់គ្រឿងបន្លាស់រថយន្តម្ចាស់ឈ្មោះ ឃី កែវរ៉ាវិន ភេទ​ ប្រុស​ អាយុ​ ៥៣​ ឆ្នាំ មានទីលំនៅបច្ចុប្បន្ន ភូមិត្រាស់ ឃុំ បល្ល័ង្ក ស្រុកបារាយណ៍​ ឆេះតូបចំនួន០១តូប ទំហំ​ ៣x៤​ មែត្រ​ ធ្វើអំពីដែកប្រក់ស័ង្កសី ជញ្ចាំងស័ង្កសី ខូចខាតសម្ភារ គ្រឿងបន្លាស់រថយន្តអស់ទាំងស្រុង​ ។ មូលហេតុបណ្ដា​មកពីឆ្លងចរន្តអគ្គិនី​ ។

ដឹកនាំដោយលោកឧត្តមសេនីយ៍ត្រី ហៀង ហ៊ល ស្នងការរងទទួលផែនការងារគ្រប់គ្រងអាវុធគ្រឿងផ្ទុះ និងអគ្គិភ័យ​ ។
-​ កម្លាំងសរុបចំនួន​ ៩៥​ នាក់
-​ កងកម្លាំងនគរបាលចំនួន​ ៤៤​ នាក់
-​ កងកម្លាំងរាជអាវុធហត្ថស្រុកបារាយណ៍ចំនួន​ ១៦​ នាក់​ និងកម្លាំងប្រជាការពារនិងប្រជាពលរដ្ឋ​ ។

បានចេញរថយន្តអគ្គិភ័យបានចេញអន្តរាគមន៍សរុបចំនួន​ ០៦​ គ្រឿង​ រួមមាន៖
-​ រថយន្តអគ្គិភ័យរបស់ស្នងការដ្ឋាននគរបាលខេត្តចំនួន​ ០៣​ គ្រឿង​ ប្រើប្រាស់ទឹកអស់ចំនួន​ ០២​ រថយន្ត​ ស្មើនឹង​ ១០,៥​ ម៉ែត្រគុប
-​ រថយន្តអគ្គិភ័យរបស់អធិការដ្ឋាននគរបាលស្រុកបារាយណ៍ចំនួន​ ០២​ គ្រឿង​ ប្រើប្រាស់អស់​ ០២​ រថយន្ត​ ស្មើនឹង​ ៦.៥​ ម៉ែត្រគុប
-​ រថយន្តអគ្កិភ័យរបស់អធិការដ្ឋាននគរបាលស្រុកសន្ទុកចំនួន​ ០១​ គ្រឿង​ ប្រើប្រាស់ទឹកអស់ចំនួន​ ០១រថយន្ត​ ស្មើនិង​ ០៤​ ម៉ែត្រគុប​ ៕

 

Book Bus Ticket Online With LankrongTicket.com Book Bus Ticket Online