សមត្ថកិច្ច អធិការដ្ឋាននគរបាលខណ្ឌមានជ័យ ស្រាវជ្រាវឃាត់ខ្លួនជនសង្ស័យ ០៣នាក់ ករណីលួច

កើតហេតុនៅថ្ងៃទី១៥ ខែវិច្ឆិកា ឆ្នាំ២០២១ វេលាម៉ោង១៣ម៉០០នាទី នៅចំណុចមុខផ្ទះជួល ផ្លូវបេតុង ភូមិទ្រា១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ មានករណីលួច(យកម៉ូតូ០១គ្រឿង) កើតឡើង០១លើក បង្កឡើងជនសង្ស័យ០៣នាក់ ស្លៀកពាក់ស៊ីវិល មធ្យោបាយម៉ូតូ០១គ្រឿង៖

១-ជនសង្ស័យឈ្មោះ ភី ភារម្យ ហៅឈិ ភេទប្រុស អាយុ២៧ឆ្នាំ មុខរបរមិនពិតប្រាកដ ស្នាក់នៅផ្ទះគ្មានលេខ ភូមិអូរបែកក្អម សង្កាត់អូរបែកក្អម ខណ្ឌសែនសុខ រាជធានីភ្នំពេញ(ឃាត់ខ្លួន មានផ្ទុកសារធាតុញៀន)។

២-ជនសង្ស័យឈ្មោះ វាសនា ឧត្តម ហៅដំ ភេទប្រុស អាយុ២២ឆ្នាំ មុខរបរមិនពិតប្រាកដ ស្នាក់នៅផ្ទះជួល ភូមិទ្រា សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ(ឃាត់ខ្លួនមានផ្ទុកសារធាតុញៀន)។

៣-ជនសង្ស័យឈ្មោះ ស្រ៊ុន ឆេងអ៊ី ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅផ្ទះជួល សង្កាត់អូរបែកក្អម ខណ្ឌសែនសុខ រាជធានីភ្នំពេញ(ឃាត់ខ្លួន មានផ្ទុកសារធាតុញៀន)។

ជនរងគ្រោះឈ្មោះ ផុស សូភន ភេទប្រុស អាយុ២៣ឆ្នាំ មុខរបរជាងភ្លើង ស្នាក់នៅផ្ទះជួល ភូមិទ្រា១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។

សម្ភារៈបន្សល់ទុក៖ ម៉ូតូ០១គ្រឿងម៉ាកហុងដាស្កុបពី សេរី២០១៨ ពណ៌ទឹកប្រាក់ ពាក់ស្លាកលេខបន្ទាយមានជ័យ 1V-8870(ជារបស់ជនរងគ្រោះ) និងម៉ូតូ០១គ្រឿងម៉ាកគុបជ្រុង សេរីចាស់ ពណ៌ទឹកសមុទ្រ ពាក់ស្លាកលេខ ភ.ព.១.ឋ (ជារបស់ជនសង្ស័យឈ្មោះ ស្រ៊ុន ឆេងអ៊ី)។

បច្ចុប្បន្នជនសង្ស័យទាំង០៣នាក់ ឃាត់ខ្លួននៅអធិការដ្ឋានដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ៕

Book Bus Ticket Online With LankrongTicket.com Book Bus Ticket Online