ផ្ទះប្រជាពលរដ្ឋមួយខ្នង នៅក្រុងសៀមរាបរងការខូចខាតទាំងស្រុង ក្នុងហេតុការណ៍អគ្គីភ័យឆាបឆេះ

ខេត្ត​សៀមរាប​៖ ថ្ងៃព្រហស្បតិ៍ ៦ រោច ខែកត្តិក ឆ្នាំឆ្លូវត្រីស័ក ពុទ្ធសករាជ ២៥៦៥​ ត្រូវនឹងថ្ងៃទី២៥ ខែវិច្ឆិកា ឆ្នាំ២០២១ វេលាម៉ោង ១២:១០​ នាទីយប់ ករណីឆេះផ្ទះ​បងប្អូន​ប្រជាពលរដ្ឋ​ ម្ចាស់ឈ្មោះ ទុយ ទិត្យ ភេទប្រុស​ អាយុ​២៦ឆ្នាំ មុខរបរកសិករ នៅចំណុច ភូមិវាល សង្កាត់ជ្រាវ ក្រុងសៀមរាប ខេត្តសៀមរាប ។

បណ្តាលឲ្យរងការខូចខាត:​ (១០០%)​ ផ្ទះ០១ខ្នង ទំហំ ៦x៩ ម៉ែត្រ ប្រក់ស័ង្កសី ជញ្ជាំងស័ង្កសី ចាក់សាបស៊ីម៉ង់ក្រោម បណ្តាលអោយខូចខាតទាំងស្រុង រួមនិងឯកសារសំភារះមួយចំនួនទៀត មានសៀវភៅស្នាក់នៅ និងសំបុត្រកំណើត ។

​ករណីអគ្គីភ័យនេះមិនបណ្ដាលអោយឆ្លងទៅដល់ផ្ទះប្រជាពលរដ្ឋដែលនៅជាប់គ្នាទៀតទេ ។

រថយន្តអគ្គិភ័យរបស់អធិការដ្ឋាននគរបាលក្រុងសៀមរាប មិនបានប្រើប្រាស់ទឹកទេ ពីព្រោះ​ពេលកើតហេតុកម្លាំងរបស់អធិការប៉ុស្ដិ៍ និងប្រជាការពារ​ ប្រជាពលរដ្ឋជួយអន្តរាគន៍រលត់​ទាំង​ស្រុង​ ។ មូលហេតុដោយសារម្ចាស់ផ្ទះមិននៅផ្ទះចាក់សោរចោល​ រួចនាំគ្រួសារទៅដេកផ្ទះម្តាយនៅខាងត្បូងផ្ទះរបស់ខ្លួន​ ៕

 

Book Bus Ticket Online With LankrongTicket.com Book Bus Ticket Online