ផ្ទះប្រជាពលរដ្ឋនៅស្រុកកំពង់សៀម ០៣ខ្នង រងការខូចខាតយ៉ាងធ្ងន់ធ្ងរក្នុងហេតុការណ៍អគ្គីភ័យឆាបឆេះ

ខេត្តកំពង់ចាម​៖ ថ្ងៃអាទិត្យ ៨កើត ខែកត្តិក ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី១២ ខែធ្នូ ឆ្នាំ២០២១ វេលាម៉ោង​ ២១:១០នាទីយប់​ មានករណីអគ្គិភ័យមួយបានកើតឡើងនៅចំណុចភូមិកោះគល់ ឃុំកោះរកា ស្រុកកំពង់សៀម ខេត្តកំពង់ចាម​ ។

ក្រោយពីទទួលបានព័ត៌មានភ្លាម លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានបញ្ជារថយន្តចំនួន០៦គ្រឿង​ ចេញជួយអន្តរាគមន៍ក្រោម​ការដឹកនាំផ្ទាល់ពីលោក ឧត្តមសេនីយ៍ត្រី មិន សុគន្ធវិបុល ស្នងការរងទទួលផែនការងារគ្រប់គ្រងអាវុធជាតិ​ផ្ទុះនិងអគ្គិភ័យ ។អគ្គិភ័យនេះបណ្ដាលអោយឆេះរាលដាលអស់ផ្ទះ​ប្រជាពលរដ្ឋ​ចំនួន ០៣ផ្ទះ​ ។

ផ្ទះទី១ ម្ចាស់ផ្ទះ ឈ្មោះ វ៉ន វឿន ភេទប្រុស អាយុ៥៦​ឆ្នាំ ប្រពន្ធឈ្មោះ បឹង ពៅ  ភេទ​ស្រី អាយុ​៥៤​ឆ្នាំ ។​ បណ្ដាលអោយបាត់បង់សម្ភារមានដូចជា :

-​ ផ្ទះទំហំ ៧×១៣​ មែត្រ​ ប្រកក្បឿង ជញ្ជាំងក្ដារឆេះអស់ទាំងស្រុង​ ។

-​ ម៉ូតូចំនួន​ ០៣​ គ្រឿង

-​ ទឹកប្រាក់ចំនួន ៣,០០០ដុល្លា

-​ មាសចំនួន​ ០៨ជីកន្លះ​ និងសម្ភារប្រើប្រាស់មួយចំនួន​ ។

ផ្ទះទី២​ ម្ចាស់ផ្ទះឈ្មោះ ញឹក សាវ៉ុន ភេទ​ស្រី អាយុ​៦៣​ឆ្នាំ (ម៉េម៉ាយ)​ ។​ បណ្ដាលអោយបាត់បង់សម្ភារមានដូចជា :

-​ ផ្ទះទំហំ ៥×៦ មែត្រ​ ប្រកដែក ជញ្ជាំងក្ដារឆេះអស់ទាំងស្រុង​ ។

-​ ប្រាក់រៀល ៩០០,០០០​ រៀល

-​ អង្ករ​ចំនួន​ ០១​ បេ​ និងសម្ភារប្រើប្រាស់មួយចំនួន​ ។

ផ្ទះទី៣​ ម្ចាស់ផ្ទះឈ្មោះ ស គុយលឹម ភេទ​ប្រុស អាយុ​៦០​ឆ្នាំ​ ប្រពន្ធឈ្មោះ គឹម សុង ភេទស្រី អាយុ​៦៤ឆ្នាំ​ ។​ បណ្ដាលអោយរងរបួស និងបាត់បង់សម្ភារមានដូចជា :

-​ ផ្ទះទំហំ ៧×១៥ មែត្រ​ ប្រកក្បឿង ជញ្ជាំងក្ដារឆេះអស់ទាំងស្រុង​ ។

-​ ម៉ូតូចំនួន​ ០៥ គ្រឿង

-​ ទឹកប្រាក់ចំនួន​ ៦,០០០​ ដុល្លា​ និងសម្ភារប្រើប្រាស់មួយចំនួន។​

-​ បណ្ដាអោយរងរបួស ឈ្មោះ គឹម សុង ភេទ​ ស្រី របួសរលៀកត្រង់ខ្នង រលៀកដៃខាងស្ដាំ និងជើងខាងឆ្វេង​ ។

មូលហេតុបណ្ដាលមកពីឆ្លងចរន្តអគ្គិសនី ។

ប្រេីប្រាស់​រថយន្តពន្លត់អគ្គិភ័យចំនួន ០៦គ្រឿង​ ដែលចេញជួយអន្តរាគមន៍ដែល​ក្នុង​នោះមាន:

-​ រថយន្តអធិការដ្ឋាននគរបាលស្រុកកំពង់សៀមចំនួន ០១គ្រឿង ។

-​ រថយន្ដមកពីស្រុកព្រៃឈរចំនួន​ ០១គ្រឿង​ ។

-​ រថយន្ដមកពីស្រុកកងមាសចំនួន​ ០១គ្រឿង​ ។

-​ រថយន្តពន្លត់អគ្គិភ័យរបស់ស្នងការដ្ឋាននគរបាលខេត្តកំពង់ចាមចំនួន ០៣គ្រឿង ។

-​ ប្រើប្រាស់ទឹកអស់ចំនួន​ ១០ រថយន្ដ​ ។

គ្រោះថ្នាក់​អគ្គីភ័យនេះបានរលត់ដោយមិនមានការឆ្លងរាលដាលដល់ផ្ទះប្រជាពលរដ្ឋនៅក្បែរនោះបន្តទៀតឡើយ​៕

 

Book Bus Ticket Online With LankrongTicket.com Book Bus Ticket Online