គ្រោះអគ្គិភ័យមួយបានកេីតឡេីង ដោយសារតែការឆ្លងចរន្តអគ្គីសនី បានបង្កជាអគ្គិភ័យឆាបឆេះក្រុមហ៊ុន ហាវ៉ាស់រីវេីអឃីត និងសម្ភារៈអស់ទាំងស្រុង

គ្រោះអគ្គិភ័យមួយបានកេីតឡេីង​ ដោយសារតែការឆ្លងចរន្តអគ្គីសនី​ បានបង្កជាអគ្គិភ័យឆាបឆេះក្រុមហ៊ុន​ ហាវ៉ាស់​រីវេីអឃីត​ និងសម្ភារៈអស់ទាំងស្រុង​ នាវេលាម៉ោង​ ១៨និង៤៥នាទី​ ថ្ងៃទី១៩​ ខែធ្នូ​ ឆ្នាំ២០២១​ មានករណីគ្រោះអគ្គិភ័យបានកើតឡើង ស្ថិតនៅចំណុចផ្ទះលេខ២៥អា ផ្លូវ៥៦៦ ក្រុម៤៤​ ភូមិ១១ សង្កាត់បឹងកក់ទី១ ខណ្ឌទួលគោក រាជធានីភ្នំពេញ​ ព្រមទាំងឆេះបំផ្លាញអស់ឃ្លាំងចំនួន​មួយ និងសម្ភារៈប្រេីប្រាស់អស់ទាំងស្រុងផងដែរ។

លោកវរសេនីយ៍ឯក​ ព្រហ្ម​ យ៉ន​ នាយការិយាល័យបង្ការពន្លត់អគ្គិភ័យ​ និងសង្គ្រោះ​ នៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថា​ ម្ចាស់ទីតាំងមានឈ្មោះ​ ឌុច​ លីដេ ភេទស្រី​ អាយុ​ ៤១ឆ្នាំ​ មុខរបរ ប្រធានផ្នែកផ្សព្វផ្សាយ​ ចំពោះមូលហេតុ​ នៃការឆាបឆេះ​ បណ្តាលមកពីការ​ ឆ្លងចរន្តអគ្គីសនី។

ក្នុងហេតុការណ៍គ្រោះអគ្គិភ័យខាងលេីនេះ បណ្តាលឲ្យឆាបឆេះថ្មបេតុងប្រក់ស័ង្កសី ទំហំ​ ២០ម៉ែត្រ x ៣០ម៉ែត្រ​,​ ឃ្លាំងស្តុកទុកសម្ភារៈបម្រេីការងារថតស្ពតផ្សព្វផ្សាយពាណិជ្ជកម្ម​ ទំហំ​ ១០ម៉ែត្រ​ x ៣០ម៉ែត្រ​ អស់ចំនួន​ ១ឃ្លាំង​ និងពុំបណ្តាលឲ្យរាលដាលដល់ផ្ទះក្បែរខាងឡេីយ។

សម្រាប់ប្រតិបត្តិការសង្គ្រោះវិញ កម្លាំងជំនាញរបស់យេីងបានប្រើប្រាស់រថយន្ដការិយាល័យបង្ការ និងពន្លត់អគ្គិភ័យ ចំនួន​ ១៦គ្រឿង ប្រើប្រាស់ទឹកអស់​ ២៥ឡាន ស្មើរនឹង ១០០ម៉ែត្រគូប​,​ រថយន្តជំនួយមកពីក្រសួងមហាផ្ទៃ ចំនួន​ ២គ្រឿង​ ប្រេីប្រាស់ទឹកអស់​ ២ឡាន​ ស្មេីរនឹង​ ១២ម៉ែត្រ,​ រថយន្តពន្លត់អគ្គិភ័យរបស់កងរាជអាវុធហត្ថរាជធានីភ្នំពេញ​ ចំនួន​ ២គ្រឿង​ ប្រេីប្រាស់ទឹកអស់​ ២ឡាន​ ស្មេីរនឹង​ ៨ម៉ែត្រគូប,​ រថយន្តពន្លត់អគ្គិភ័យរបស់ទីក្រុងអូឡាំព្យា​ ចំនួន​ ២គ្រឿង​ ប្រេីប្រាស់ទឹកអស់​ ២ឡាន​ ស្មេីរនឹង​ ១២ម៉ែត្រគូប​ និងរថយន្តពន្លត់អគ្គិភ័យរបស់ក្រុមហ៊ុន​ ស្រាបៀរកម្ពុជា​ ចំនួន​ ១គ្រឿង​ ប្រេីប្រាស់ទឹកអស់​ ១ឡាន​ ស្មេីរនឹង​ ៦ម៉ែត្រគូប​ ទើបរលត់ទាំងស្រុង នៅវេលាម៉ោង​ ២០និង០០នាទីនាថ្ងៃដដែរ៕

Book Bus Ticket Online With LankrongTicket.com Book Bus Ticket Online