គ្រោះអគ្គិភ័យមួយបានកេីតឡេីង ដោយសារតែការឆ្លងចរន្តអគ្គីសនី បង្កជាអគ្គិភ័យឆាបឆេះរោងកម្មករស្នាក់នៅអស់ ៤៤បន្ទប់ និងសម្ភារៈប្រេីប្រាស់មួយចំនួន
គ្រោះអគ្គិភ័យមួយបានកេីតឡេីង ដោយសារតែការឆ្លងចរន្តអគ្គីសនី បានបង្កជាអគ្គិភ័យឆាបឆេះរោងកម្មករស្នាក់នៅអស់ចំនួន ៤៤បន្ទប់ និងសម្ភារៈប្រេីប្រាស់ និងខោអាវកម្មករ នាវេលាម៉ោង ១២និង៥០នាទី ថ្ងៃទី២១ ខែធ្នូ ឆ្នាំ២០២១ មានករណីគ្រោះអគ្គិភ័យបានកើតឡើង ស្ថិតនៅចំណុចរោងកម្មករស្នាក់នៅ ក្នុងបុរី ប៉េង ហួត បឹងស្នោរ ភូមិវាលស្បូវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។
លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថា ម្ចាស់ទីតាំងមានឈ្មោះ សួង ចាន់ដិន ភេទប្រុស អាយុ ៣៤ឆ្នាំ មុខរបរ អ្នកគ្រប់គ្រងរោងស្នាក់នៅរបស់កម្មករ បុរី ប៉េង ហួត ចំពោះមូលហេតុ នៃការឆាបឆេះ បណ្តាលមកពីការ ឆ្លងចរន្តអគ្គីសនី។
ក្នុងហេតុការណ៍គ្រោះអគ្គិភ័យខាងលេីនេះ បណ្តាលឲ្យឆាបឆេះរោងកម្មករឈេីប្រក់ស័ង្កសី ទំហំ ២០ម៉ែត្រ x ៦០ម៉ែត្រ អស់ ៤៥បន្ទប់, សម្ភារៈប្រេីប្រាស់ និងខោអាវរបស់កម្មករ និងពុំបណ្តាលឲ្យរាលដាលដល់ផ្ទះក្បែរខាងឡេីយ។
សម្រាប់ប្រតិបត្តិការសង្គ្រោះវិញ កម្លាំងជំនាញរបស់យេីងបានប្រើប្រាស់រថយន្ដការិយាល័យបង្ការ និងពន្លត់អគ្គិភ័យ ចំនួន ៦គ្រឿង ប្រើប្រាស់ទឹកអស់ ៣ឡាន ស្មើរនឹង ១២ម៉ែត្រគូប, រថយន្តជំនួយមកពីក្រសួងមហាផ្ទៃ ចំនួន ២គ្រឿង ពុំបានប្រេីប្រាស់ទឹក, រថយន្តពន្លត់អគ្គិភ័យរបស់សាលាខណ្ឌច្បារអំពៅ ចំនួន ១គ្រឿង ប្រេីប្រាស់ទឹកអស់ ១ឡាន ស្មេីរនឹង ៨ម៉ែត្រគូប និងរថយន្តពន្លត់អគ្គិភ័យរបស់បុរី ប៉េង ហួត បឹងស្នោរ ចំនួន ៦គ្រឿង ប្រេីប្រាស់ទឹកអស់ ៥ឡាន ស្មេីរនឹង ៣០ម៉ែត្រគូប ទើបរលត់ទាំងស្រុង នៅវេលាម៉ោង ១៤និង១៥នាទីនាថ្ងៃដដែរ៕
