រថយន្តមួយគ្រឿងបានប្រើលះរោងលាងម៉ូតូមួយកន្លែង បណ្តាលឲ្យរងការខូចខាតទាំងស្រុង
កំពង់ស្ពឺ៖ ករណីគ្រោះថ្មាក់ចរាចរណ៍រថយន្ដរេចង្កូតបុកចូលរោងលាងម៉ូតូ កាលពីយប់ថ្ងៃអង្គារ៍ វេលាម៉ោង ២២ និង ៣០ នាទី នៅលើកំណាត់ផ្លូវលេខ ១០៦ ស្ថិតនៅភូមិពាណិជ្ជកម្ម សង្កាត់រការធំ ក្រុងច្បារមន ខេត្តកំពង់ស្ពឺ ។
មានរថយន្ដ ០១គ្រឿង ម៉ាកLEXUS 470 ពណ៌ស ស្លាកលេខភ្នំពេញ 2AU-0323 អ្នកបើកបរឈ្មោះចាន់ អេរិច ភេទប្រុស អាយុ ៣៦ឆ្នាំ រស់នៅភូមិពង្រ សង្កាត់កណ្ដោលដុំ ក្រុងច្បារមន ខេត្តកំពង់ស្ពឺ បើកបរពីទិសខាងលិចទៅទិសខាងកើត ហើយបានរេចង្កូតមកខាងស្ដាំដៃចូលទៅបុករោងលាងម៉ូតូ ដែលមានម្ចាស់ឈ្មោះគង់ ឆៃយ៉ា ភេទប្រុស អាយុ៥៥ឆ្នាំ រស់នៅភូមិពាណិជ្ជកម្ម សង្កាត់រការធំ ក្រុងច្បារមន ខេត្តកំពង់ស្ពឺ បណ្តាលឲ្យគ្រោះថ្នាក់ និងខូចខាតសម្ភារៈ រោងលាងម៉ូតូចំនួន ០១រោង ខូចទ្វាររមូចំនួន ០១ (ខ្ទិចទាំងស្រុង) ខូចរថយន្ដ ០១គ្រឿងធ្ងន់និងខូចសម្ភារៈមួយចំនួនទៀត។
បច្ចុប្បន្នជំនាញចរាចរណ៍បានចុះពិនិត្យនិងយកវត្ថុតាង រថយន្ដ យកមករក្សាទុកនៅការិយាល័យនគរបាលចរាចរណ៏ខេត្ត ដេីម្បីចំណាត់ការនីតិវិធីបន្ដ រីឯ អ្នកបេីកបររថយន្តត្រូវនាំយកមកសាកសួរនៅការិយាល័យចរាចរណ៍ផ្លូវគោក៕
