ផ្ទះប្រជាពលរដ្ឋ០២ខ្នង នៅស្រុកកណ្ដាលស្ទឹង រងការខូចខាតយ៉ាងធ្ងន់ធ្ងរ ក្នុងហេតុការណ៍អគ្គីភ័យឆាបឆេះ
ខេត្តកណ្ដាល៖ ថ្ងៃពុធ ១០ រោច ខែមិគសិរ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៩ ខែធ្នូ ឆ្នាំ២០២១ វេលាម៉ោង ១៤:២០ នាទីរសៀល មានករណីអគ្គីភ័យភ្លើងឆេះផ្ទះចំនួន០២ខ្នង ដែលស្ថិតក្នុងភូមិចំការតាង៉ែន ឃុំរលាំងកែន ស្រុកកណ្តាលស្ទឹង ខេត្តកណ្ដាល ។
ម្ចាស់ផ្ទះរងគ្រោះទី០១ ឈ្មោះ គាំ ធូ ភេទ ប្រុស អាយុ ៤៧ ឆ្នាំ មានទីលំនៅបច្ចុប្បន្ន ភូមិឃុំកើតហេតុ (ជាអ្នកដុត) ត្រូវបានឃាត់ខ្លួន ។ សម្ភារៈខូចខាតរួមមានៈ ផ្ទះទំហំ ៥×៧ ម៉ែត្រ ធ្វើពីឈើ ប្រកក្បឿង ថ្មក្រោម សំយ៉ាបមុខប្រកស័ង្កសី ០៥ម៉ែត្រសំយ៉ាបក្រោយ ០៥ម៉ែត្រ ខូចខាត ១០០% សំភារៈផ្សេងៗ (មិនទាន់ដឹង) ។
ម្ចាស់ផ្ទះរងគ្រោះទី០២ ឈ្មោះ គាំ អុន ភេទ ស្រីអាយុ ៤៥ ឆ្នាំ មានទីលំនៅបច្ចុប្បន្ន ភូមិឃុំកើតហេតុ (ត្រូវជាបងប្អូនបង្កើតនិងគ្នា) ។ សម្ភារៈខូចខាតរួមមានៈ ផ្ទះទំហំ ៥×៧ ម៉ែត្រ ធ្វើពីឈើ ប្រកស៉ីបារ៉ូ ថ្មក្រោម តរោងបាយក្រោយ ០៨ម៉ែត្រខូចខាត ១០០% សំភារៈផ្សេងៗទៀត (មិនទាន់ដឹង) ។
មូលហេតុបណ្តាលមកពីមានមនុស្សដុតឈ្មោះ គាំ ធូ ត្រូវបានឃាត់ខ្លួន ។
ប្រេីប្រាស់រថយន្តអគ្គីភ័យស្រុកកណ្ដាលស្ទឹងចំនួន០១គ្រឿង និងរថយន្តអគ្គីភ័យអង្គរក្សក្រាំងចេកចំនួន ០១ គ្រឿង ប្រើប្រាស់ទឹកអស់ចំនួន ០៣រថយន្ត រលត់ជាស្ថាពរនៅវេលាម៉ោង ១៦:៣០នាទី ៕
