នគរបាលស្រុកកំរៀងឃាត់ខ្លួនមុខសញ្ញាលួចទ្រព្យសម្បត្តិម្នាក់អនុវត្តតាមច្បាប់
នៅថ្ងៃ សៅរ៍ ៦កេីតខែបុស្សឆ្នាំឆ្លូវត្រីស័កព.ស.២៥៦៥ ត្រូវនឹងថ្ងៃទី ៨ខែមករា ឆ្នាំ២០២២វេលាម៉ោង១៤និង៣០នាទីអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ទោ វេ គឹមចត់ អធិការនគរបាលស្រុកកំរៀង បានដឹកនាំកម្លាំងធ្វេីការឃាត់ខ្លួនជនសង័្សយឈ្មោះ សាយ រ៉ូ ភេទប្រុស អាយុ២៤ ឆ្នាំស្នាក់នៅភូមិដូង ឃុំបឹងរាំង ស្រុកកំរៀងខេត្តបាត់ដំបងពីបទលួចមានស្ថានទម្ងន់ទោស(ដោយការគាស់ទម្លុះទម្លាយ)នាំមកកាន់អិការដ្ឋាននគរបាលស្រុកធ្វេីការស្រាវជ្រាវ។
មូលហេតុដែលឈានដល់ការឃាត់ខ្លួនស្រាវជ្រាវនេះគឺនៅថ្ងៃទី ៨ ខែ មករា ឆ្នាំ២០២២ វេលាម៉ោងប្រមាណ៥និង៣០នាទីព្រឹក ជនសង័្សយមិនស្គាល់អត្តសញ្ញាណបានធ្វេីសកម្មភាពគាស់ទម្លុះទម្លាយតូបលក់ដូររបស់ជនងគ្រោះឈ្មោះ មុិញ សុធារីភេទស្រីអាយុ៣៧ឆ្នាំរស់នៅភូមិអូរដាលើ ឃុំបឹងរាំងស្រុកកំរៀងខេត្តបាត់ដំបង យកបានទ្រព្យសម្បត្តិរួមមាន៖
-ស្រាបៀរចំនួន០៤កេសនិងសម្ភារៈមួយចំនួនទៀត សរុបជាទឹកប្រាក់ចំនួន ៦៥០,០០០រៀ(ហុកសិបប្រាំម៉ឺនរៀល)។
នៅក្រោយកេីតហេតុជនរងគ្រោះបានដាក់ពាក្យបណ្តឹងចូលមកសមត្ថកិច្ចនគរបាលស្រុក ហេីយឆ្លងតាមរយៈការស្រាវជ្រាវនេះសមត្ថកិច្ចកំណត់មុខសញ្ញាបានរហូតឈានដល់ការឃាត់ខ្លួនតែម្តង។ ក្នុងពេលឃាត់ខ្លួនសមត្ថកិច្ចដកហូតស្រាបៀរមួយ ចំនួនប្រគល់ឱ្យម្ចាស់វិញ។
នៅចំពោះមុខសមត្ថកិច្ចមុខសញ្ញារូបនេះបានឆ្លេីយសារភាពថាខ្លួនពិតជាបានធ្វេីសកម្មភាពគាស់ទម្លុះទម្លាយតូបលក់ដូររបស់ជនរងគ្រោះនិងលួចយកទ្រព្យសម្បត្តិពិតប្រាកដមែនហេីយតាមការបញ្ជាក់ពីសមត្ថកិច្ចនគបាលស្រុកកំរៀងបានឱ្យដឹង ថាជនសង័្សយរូបនេះធ្លាប់ជាប់ពន្ធនាគារចំនួន០៣លេីករួចមកហេីយក្នុងអំពេីចោរកម្មនេះតែរូបគេមិនបានរៀងចាលទាល់តែសោះ។
នៅពេលនេះសមត្ថកិច្ចនគរបាលស្រុកបានកសាងសំណុំរឿងបញ្ជូនមកការិយាល័យជំនាញចាត់ការតាមនីតិវិធីច្បាប់៕
