ឃាត់ខ្លួនជនសង្ស័យម្នាក់ ករណីជួញដូរសារធាតុញៀន និងកាន់កាប់អាវុធខុសច្បាប់

ស្រុកព្រៃនប់÷ នៅថ្ងៃ​ទី​១២.០១.២០២២ វេលាម៉ោង ១៤.៣០នាទីរសៀល លោកវរសេនីយ៍ទោ អ៊ួង វុទ្ធី អធិការ នគរបាល ស្រុកព្រៃនប់ បានដឹកនាំកម្លាំងជំនាញ នៃអធិការដ្ឋាននគរបាលស្រុក ចុះបង្រ្កាបករណី គ្រឿងញៀនមួយកន្លែង នៅចំណុចចំការខ្នុរក្នុងទូរកុងតឺន័រស្ថិតក្នុងភូមិចំណោទរាម ឃុំបិតត្រាំង​ ស្រុកព្រៃនប់ ខេត្តព្រះ​សីហនុ បានធ្វើការឃាត់​ខ្លួនជនសង្ស័យម្នាក់ឈ្មោះ ថាវ ហេរ៉ូ ភេទប្រុស អាយុ៣៤ ឆ្នាំមុខរបរមិនពិតប្រាកដ​ ស្នាក់នៅភូមិចំណោទរាម ឃុំបិតត្រាំង​ ស្រុកព្រៃនប់​ ខេត្តព្រះសីហនុ ។​ ក្នុងនោះយើងដកហូតវត្ថុតាងរួមមាន៖

-ម្សៅក្រាមសថ្លាសង្ស័យសារធាតុញៀនចំនួន២៤កញ្ចប់(ធំ០១​តូច២៣)

-ទូរស័ព្ទដៃចំនួន០២គ្រឿង

-ជញ្ជីងថ្លឹងចំនួន០១ គ្រឿង

-ម៉ូតូចំនួន​០១ គ្រឿង

-កាំភ្លើងខ្លីចំនួន​០១ ដើមម៉ាកK៥៩ បង់ចំនួន០២ និងគ្រាប់ចំនួន១៣​គ្រាប់ ។

បច្ចុប្បន្នយើងកំពុងកសាងសំណុំរឿងតាមនីតិវិធី ៕

 

Book Bus Ticket Online With LankrongTicket.com Book Bus Ticket Online