អគ្គិភ័យបានឆាបឆេះផ្ទះមួយកន្លែង​នៅរាជធានីភ្នំពេញ និងបណ្តាលឲ្យខូចខាតទ្រព្យសម្បត្តិមួយចំនួន

អគ្គិភ័យបានឆាបឆេះផ្ទះ​ មួយកន្លែង​ ដែលហេតុការណ៍​នេះ​បានកើតឡើងនៅវេលាម៉ោង​ ១២និង០០នាទីយប់រំលង​អាធ្រាត្រ​ ឈានចូលថ្ងៃអាទិត្យ ១៤កើត ខែបុស្ស ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៦ ខែមករា ឆ្នាំ២០២២ ស្ថិតត្រង់ចំណុចផ្ទះលេខ៣៣G ផ្លូវ១១១ ភូមិ២​ សង្កាត់បឹងប្រលឹត ខណ្ឌ៧មករា រាជធានីភ្នំពេញ។

ហេតុការណ៍​អគ្គិភ័យឆាបឆេះនេះ បណ្តាលមកពីការឆ្លងចរន្តអគិ្គសនីពីកង់អាគុយ​ ហើយបានធ្វើឲ្យខូចខាតឆេះម៉ូតូប្រេីអាគុយចំនួន​ ៣គ្រឿង,​ កង់អាគុយ១​,​ អាគុយចំនួន២,​ គ្រឿងបន្លាស់មួយចំនួន​ នឹងពុំបណ្តាលឲ្យឆេះរាលដាលដល់ផ្ទះអ្នកជិតខាងឡេីយ។

នៅវេលាម៉ោង​ ១និង០០នាទីយប់រំលង​អាធ្រាត្រ​ ថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យ រាជធានីភ្នំពេញ​ ចំនួន ៥គ្រឿង ប្រើប្រាស់ទឹកអស់ ៣ឡាន ស្មើរនឹង ១២ម៉ែត្រគូប​ និងរថយន្តពន្លត់អគ្គិភ័យ​ ក្រសួងមហាផ្ទៃ​ ចំនួន​ ២គ្រឿង​ ពុំបានប្រើប្រាស់ទឹក​៕

 

Book Bus Ticket Online With LankrongTicket.com Book Bus Ticket Online