ផ្ទះប្រជាពលរដ្ឋមួយខ្នង រងការខូចខាតយ៉ាងដំណំ ក្នុងហេតុការណ៍អគ្គីភ័យឆាបឆេះ

នាព្រលប់ថ្ងៃអង្គារ៍​ ១កេីត ខែពិសាខ ឆ្នាំខល ចត្វាស័ក ព.ស ២៥៦៦ ត្រូវនឹងថ្ងៃទី២៧​ ខែឧសភា ឆ្នាំ២០២២ វេលាម៉ោង​ ៦៖៣០នាទី​ មានករណីអគ្គិភ័យបានឆាបឆេះផ្ទះ មួយកន្លែង ដែលស្ថិតនៅតាមបណ្តោយផ្លូវបេតុង​ ភូមិឫស្សី​ស្រស់​ ក្រុម៣ សង្កាត់និរោធ​ ខណ្ឌច្បារអំពៅ​ រាជធានីភ្នំពេញ។

ហេតុការណ៍អគ្គិភ័យឆាបឆេះនេះ កម្លាំងជំនាញកំពុងធ្វេីការស្រាវជ្រាវ ហេីយធ្វើឲ្យខូចខាតឆេះផ្ទះ​ មួយខ្នង​ មានបន្ទប់ស្នាក់នៅចំនួន​ ៩បន្ទប់​ អស់ទាំងស្រុង​ និងពុំបានឆេះរាលដាលដល់ផ្ទះអ្នកជិតខាងឡើយ។ ចំណែកឯទីតាំងខាងលើ ជាប្រភេទសំណង់ ឈេីលេីក្រោមថ្ម​ ដែលមានទំហំ (១០ម៉ែត្រ x ២០ម៉ែត្រ)។

នៅវេលាម៉ោង ៧៖២៥នាទីនាថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យ រាជធានីភ្នំពេញ ចំនួន ៥គ្រឿង ប្រើប្រាស់ទឹកអស់ ៥ឡាន ស្មើរនឹង ២០ម៉ែត្រគូប​ រថយន្តពន្លត់អគ្គិភ័យជំនួយអន្តរាគមន៍មក​ពី​ រថយន្តរបស់ក្រសួងមហាផ្ទៃ​ ចំនួន​ ២គ្រឿង​ ប្រេីប្រាស់ទឹក​ ២ឡាន​ ស្មេីរនឹង​ ៨ម៉ែត្រគូប​,​ រថយន្តសាលាខណ្ឌច្បារអំពៅ​ ចំនួន​ ១គ្រឿង​ ប្រេីប្រាស់ទឹកអស់​ ៦ម៉ែត្រគូប​,​ រថយន្តបុរី​ ប៉េង​ ហួត​ បឹងស្នោ​ ចំនួន​ ២គ្រឿង​ ប្រេីប្រាស់ទឹកអស់​ ២ឡាន​ ស្មេីរនឹង​ ១០ម៉ែត្រគូប​ និងរថយន្តក្រុមហ៊ុន​ ស្រាបៀរកម្ពុជា​ ចំនួន​ ១គ្រឿង​ ពុំប្រើប្រាស់ទឹក​៕

Book Bus Ticket Online With LankrongTicket.com Book Bus Ticket Online