Klopp អត់​នឹក​ស្មាន​ថា​ ចាញ់ Watford ទេ តែ​បរាជ័យ​ផ្ដល់​ផល​វិជ្ជមាន​មក​ Liverpool

លោក​ Jurgen Klopp អ្នកចាត់ការក្លឹប​ Liverpool បាន​និយាយ​កាល​ពី​ពេល​ថ្មីៗ​នេះ​ថា​ លោក​សន្យា​នឹង​ស្ដារ​មុខ​មាត់​ក្លឹប​ឡើង​វិញ​ បន្ទាប់​ពី​ប្រកួត​ចាញ់​ក្លឹប​ Watford កាល​ពី​ម្សិល​មិញ​នេះ​។

លោក​ Klopp បាន​និយាយ​ថា​ ៖ ” ខ្ញុំ​មើល​ឃើញ​ភាព​បរាជ័យ​លើក​នេះ​ បាន​ផ្ដល់​ផល​វិជ្ជមាន​វិញ​ ដោយ​សារ​តែ​ចាប់​ពី​ឥឡូវ​ទៅ​ យើង​អាច​លេង​យ៉ាង​ម៉េច​ក៏​បាន​។ ខ្ញុំ​មិន​ខ្វល់​ពី​អ្នក​ដទៃ​គិត​ម៉េច​ទេ​លើ​រឿង​នឹង​។ ប៉ុន្តែ​ឥឡូវ​នឹង​ យើង​មិន​បាច់​លេង​ទប់ ឫ​ក៏​លេង​ដើម្បី​យក​កំណត់ត្រា​អ្វី​ឡើយ​ គឺ​យើង​លេង​យក​តែ​ ឈ្នះ​ទេ​ ” ។

អ្នកចាត់ការរូប​នេះ​បាន​បន្ត​ថា​ ៖ ” យើង​មិន​គិត​ថា​ ការ​ប្រកួត​ចាញ់​លើក​នេះ​មិន​សំខាន់​នោះ​ឡើយ​ ប៉ុន្តែ​យើង​ធ្លាប់​ឈ្នះ​ច្រើន​មក​ហើយ​ ដូច្នេះ​ការ​ចាញ់​លើ​កនេះ​ វា​មិន​អាក្រក់​អី​ណាស់​ណា​ទេ​។ យើង​ទទួល​យក​ភាព​បរាជ័យ​មួយ​នេះ​ អញ្ចឹង​ហើយ​ឥឡូវ​នេះ​​យើង​​នឹង​បង្ហាញ​ពី​ចំណាប់​អារម្មណ៍​ទៅវិញ​ ដោយ​សារ​តែ​មនុស្ស​មួយ​ចំនួន​មើល​ឃើញ​ពី​បរាជ័យ​របស់​យើង​លើ​កនេះ ប៉ុន្តែ​​ចំពោះ​ខ្ញុំ​ ខ្ញុំ​មិន​នឹកស្មាន​អញ្ចឹង​សោះ​ ” ។

គួរ​បញ្ជាក់​ផង​ដែរ​ថា​ កាល​ពី​ម្សិល​មិញ​ ក្លឹប​ Liverpool បាន​តទល់​នឹង​ក្លឹប​ Watford នៅ​ក្នុង​ការ​ប្រកួត​ Premier League ដោយ​មាន​លទ្ធផល​ ០-៣​ ទោះ​ជា​យ៉ាង​ណា​ការ​ប្រកួត​ចាញ់​​នេះ​ មិន​បាន​ធ្វើ​ឲ្យ​ Liverpool ធ្លាក់​​ពី​តំណែង​ឈាន​មុខ​នៅ​ក្នុង​ការ​ប្រកួត​ Premier League នេះ​ឡើយ​៕

ប្រភព៖ Dailymail   ប្រែ​សម្រួល៖  http://news.sabay.com.kh/

Book Bus Ticket Online With LankrongTicket.com Book Bus Ticket Online