Mac Pro មាន RAM ទំហំ ១,៥TB អាចទប់ Chrome ជាង ៦ពាន់ Tab ជាប់អត់?
Chrome ត្រូវគេស្គាល់ថាជា Browser មួយដែលដំណើរការលឿន និងឆ្លើយតបរហ័ស ហើយទន្ទឹមនឹងនោះវាក៏ប្រើប្រាស់ RAM នៃកុំព្យូទ័រច្រើនផងដែរ។ YouTuber ឈ្មោះ Jonathan Morrison បានធ្វើការសាកល្បងគួរឲ្យចាប់អារម្មណ៍មួយនូវលើកម្មវិធី Chrome នេះ ជាមួយកុំព្យូទ័រ Mac Pro របស់ខ្លួនដែលមាន RAM ទំហំ ១,៥TB។
ដំបូង Jonathan បានសាកល្បងបើក Tab ប្រមាណ ២ ពាន់ Tab នៅលើ Chrome ជាមួយកុំព្យូទ័ររបស់ខ្លួន ដែលវាប្រើប្រាស់ RAM អស់ ៧៥GB។ ប្រមាណ ២ម៉ោងក្រោយមក ជាមួយការបើក ៥០០០ Tab ឃើញថា Chrome ប្រើ RAM អស់ ១៧០GB។
ក្រោយមកទៀត Jonathan បានបើក Chrome ដល់ជាង ៦០០០ Tab និងទុកវាចោលរយៈពេលមួយល្ងាច ពេលពិនិត្យមើលឃើញកម្មវិធី Chrome ប្រើប្រាស់ RAM អស់ទំហំដល់ទៅ ៨៥៧GB ឯណោះ។ ទុកកាន់តែយូរកម្មវិធី Chrome ស៊ី RAM អស់កាន់តែធំ ឡើងរហូតដល់ ១,៤TB និងរហូតដល់គាំងកម្មវិធី Chrome តែម្ដង៕
ប្រភព៖ 9to5Mac ប្រែសម្រួល៖ http://news.sabay.com.kh/
