Messi បង្ហាញ​ពី​ការ​មិន​សប្បាយ​ចិត្ត​ជាមួយ​ថ្នាក់​ដឹកនាំ​ក្លឹប​ជា​ចំហ នៅ​លើ​បណ្ដាញ​សង្គម

ខ្សែ​ប្រយុទ្ធ​អាហ្សង់ទីន​ Lionel Messi បាន​បង្ហោះ​ Story នៅ​លើ​បណ្ដាញ​សង្គម​ Instagram ដែល​បង្ហាញ​ពី​ភាព​មិន​សប្បាយ​ចិត្ត​ទាក់ទិន​នឹង​ការ​លើកឡើង​របស់​លេខាធិការ​ផ្នែក​បច្ចេកទេស​ក្លឹប Barcelona លោក Eric Abidal។

លោក Abidal បាន​និយាយ​កាល​ពី​ពេល​ថ្មីៗ​នេះ​ថា ក្រុម​កីឡាករ​ Barcelona ហាក់​មិន​សូវ​ខំ​ប្រឹង​លេង នៅ​មុន​ពេល​ការ​ចែកផ្លូវ​គ្នា​រវាង​ក្លឹប និង​លោក Ernesto Valverde ដែល​ជា​អតីត​គ្រូ​បង្គោល​របស់​ក្លឹប។

ទាក់ទិន​នឹង​រឿង​នេះ​ Messi ក៏​សរសេរ​នៅ​លើ Story តប​ទៅ​វិញ​ថា៖ កីឡាករ​ជា​អ្នក​ទទួលខុសត្រូវ​នៅ​លើ​ទីលាន ហើយ​យើង​ក៏​ទទួល​ស្គាល់​ថា​ធ្វើ​អត់​បាន​ល្អ​ដែរ។ ចំណែក​ឯ ​ថ្នាក់​ដឹកនាំ​ក៏​ត្រូវ​តែ​មាន​ទំនួល​ខុសត្រូវ​ដែរ ចំពោះ​ការ​សម្រេច​ចិត្ត​របស់​ខ្លួន ” ។

Messi បន្ថែម​ថា៖ ” មួយ​ទៀត​បើ​និយាយ​រឿង​ក្រុម​កីឡាករ បង្ហាញ​ឈ្មោះ​ឲ្យ​ចំៗ​មក កុំ​ឲ្យ​មាន​ការ​ផ្សាយ​ព័ត៌មាន​មិន​ពិត​ “។

មាន​ពាក្យ​ចចាមអារ៉ាម​ជា​យូរ​ហើយ​ថា ទំនាក់ទំនង​រវាង​ក្រុម​កីឡាករ Barcelona និង​ថ្នាក់​ដឹកនាំ​ក្លឹប​មិន​សូវ​ល្អ​ប៉ុន្មាន​ទេ រយៈពេល​ប៉ុន្មាន​ឆ្នាំ​ចុង​ក្រោយ​នេះ៕

ប្រភព៖ Marca   ប្រែ​សម្រួល៖  http://news.sabay.com.kh/

Book Bus Ticket Online With LankrongTicket.com Book Bus Ticket Online