NATO ធ្វើសមយុទ្ធយោធានៅប្រទេសប៉ូឡូញ
សម្ព័ន្ធមិត្ត និងដៃគូរបស់អង្គការ NATO កំពុងធ្វើសមយុទ្ធរួមគ្នានៅក្នុងប្រទេសប៉ូឡូញ ជាប្រទេសជិតខាងអ៊ុយក្រែន។ កងទ័ពប្រមាណ 7,000នាក់មកពីប្រទេសជាង 20 បានចូលរួមនៅក្នុងសមយុទ្ធនេះ។ ប្រទេសទាំងនេះរួមមានទាំងប្រទេសស៊ុយអែត ដែលកំពុងពិចារណាការដាក់ពាក្យស្នើសុំចូលជាសមាជិកអង្គការNATO។ សកម្មភាពមួយចំនួនកំពុងប្រព្រឹត្តទៅនៅភាគខាងកើតប្រទេសប៉ូឡូញ មានចម្ងាយប្រហែល 150គីឡូម៉ែត្រពីព្រំដែនប្រទេសអ៊ុយក្រែន។ កាលពីថ្ងៃសុក្រ រថយន្តយោធាបានអនុវត្តការឆ្លងទន្លេដោយប្រើស្ពានបណ្ដោះអាសន្ន ខណៈយន្តហោះចម្បាំងហោះនៅខាងលើ៕
