ព័ត៌មានបច្ចេកវិទ្យា

កាលពីម្សិលមិញនេះក្រុមហ៊ុន Apple បានប្រកាសថា នឹងបញ្ឈប់ផលិតជាផ្លូវការនូវ iPod Touch ដែលជាឧបករណ៍សម្រាប់ចាក់ចម្រៀងដ៏ពេញនិយមមួយបន្ទាប់ពីឧបករណ៍ចាក់ចម្រៀងតាមរយៈថាស CD។ iPod Touch គឺជាឧបករណ៍ចុងក្រោយដែលនៅសេសសល់ពីកាលសម័យ iPod ហើយវាមិនត្រូវបានអាប់ដេតតាំងពីខែឧសភា ឆ្នាំ ២០១៩។ វាមិនជារឿងចម្លែកនោះទេដែលក្រុមហ៊ុន Apple បានបញ្ឈប់ការផលិត iPod ដោយសារតែមុខងាររបស់ឧបករណ៍នេះត្រូវបានបញ្ចូលទៅក្នុងទូរសព្ទ

Facebook ត្រូវបានរងការចោទប្រកាន់ថាបានបិទផេករដ្ឋាភិបាល ផេកថែទាំសុខភាព និងផេកសម្រាប់ផ្ដល់សេវាសង្គ្រោះបន្ទាន់ដោយចេតនា ដើម្បីរារាំងច្បាប់ដ៏មានសក្ដានុពល ដែលតម្រូវឱ្យកម្មវិធីទំនាក់ទំនងសង្គមបង់ប្រាក់សម្រាប់ព័ត៌មានដែលត្រូវបានយកមកផ្សព្វផ្សាយបន្ត នេះបើយោងតាមការផ្សព្វផ្សាយរបស់សារព័ត៌មាន The Wall Street Journal។ ក្រុមអ្នកចោទប្រកាន់និយាយថា ដើម្បីឆ្លើយតបជាមួយនឹងច្បាប់ថ្មីនេះ ក្រុមហ៊ុនបានបង្កើតកម្មវិធីដើម្បីស្វែងរក និងលុបចោលទំព័រសារព័ត៌មានណាដែលមានប្រជាប្រិយភាពខ្លាំង ដែលអាចធ្វើឱ្យក្រុមហ៊ុនបង់ប្រាក់ច្រើន ប៉ុន្តែ Facebook ត្រូវបានគេរាយការណ៍ថា មិនត្រឹមតែលុបផេកសម្រាប់ប្រព័ន្ធផ្សព្វផ្សាយប៉ុណ្ណោះទេ

កម្មវិធីផ្ញើសារសុវត្ថិភាពដ៏ពេញនិយម Telegram ត្រូវបានអ្នកប្រើប្រាស់មួយចំនួនរកឃើញថា កំពុងសាកល្បងយុទ្ធសាស្រ្តរកចំណូលថ្មី ជាមួយនឹងការជាវមុខងារ Telegram Premium ដែលមាននៅក្នុងកំណែបេតា 8.7.2 នៃកម្មវិធី iOS។ ជាមួយនឹងមុខងារថ្មីនេះក្រុមហ៊ុនបានបញ្ចូលទាំងស្ទីគ័រ និងរូបភាពដែលមានចលនាថ្មីៗ ហើយប្រសិនបើអ្នកប្រើប្រាស់ជ្រើសរើសស្ទីគ័រនិងរូបភាពទាំងនេះ ក្រុមហ៊ុននឹងតម្រូវឱ្យពួកគេចុះឈ្មោះសម្រាប់សេវាកម្ម Telegram Premium។ សម្រាប់អ្នកប្រើប្រាស់ដែលមិនបានទិញនឹងមិនអាចមើលស្ទីគ័របានទេ។ ម្យ៉ាងវិញទៀតអ្នកមិនបានទិញដែលទទួលបានស្ទីគ័រពិសេស ពួកគេត្រូវបានណែនាំឱ្យទិញសេវាកម្មថ្មីនេះ។

កាលពីចុងសប្តាហ៍មុន ភាពចម្រូងចម្រាសបានផ្ទុះឡើងបន្ទាប់ពីក្រុមហ៊ុន Apple បានចាប់ផ្តើមជូនដំណឹងដល់អ្នកអភិវឌ្ឍន៍កម្មវិធីមួយចំនួនថា កម្មវិធីរបស់ពួកគេដែលមិនត្រូវបានអាប់ដេតជាយូរមកហើយនោះនឹងត្រូវដកចេញពី App Store ដែលនេះជាផ្នែកមួយនៃគម្រោង “App Store​ Improvements” ដើម្បីសម្អាតកម្មវិធី “ហួសសម័យ” ដែលមាននៅក្នុងកម្មវិធី App Store។ អ្នកអភិវឌ្ឍន៍កម្មវិធីដែលរងផលប៉ះពាល់ជាច្រើនបានជំទាស់នឹងគោលការណ៍របស់ក្រុមហ៊ុន Apple ដោយកត់សម្គាល់ថា កម្មវិធីរបស់ពួកគេនៅតែបន្តដំណើរការបានល្អទោះបីជាមានការខ្វះខាតការអាប់ដេតក៏ដោយ

កម្មវិធីគេហទំព័រដែលផ្តោតលើការការពារទិន្នន័យឯកជនភាពរបស់អ្នកប្រើប្រាស់ Brave បានប្រកាសបន្ថែមមុខងារថ្មីដែលអាចរំលងកម្មវិធី AMP របស់ Google និងបញ្ជូនអ្នកប្រើប្រាស់ទៅកាន់គេហទំព័រដើមដោយស្វ័យប្រវត្តិ។ AMP ឬ Accelerated Mobile Pages គឺជាផ្នែកមួយនៃកម្មវិធីក្នុងការប្រើប្រាស់គេហទំព័រដែលមិនមានស្តង់ដារត្រឹមត្រូវរបស់ក្រុមហ៊ុន Google ដែលបង្ហាញមាតិកាទំព័រដែលមើលទៅដូចជាមកពីគេហទំព័ររបស់អ្នកបោះពុម្ពផ្សាយដើម ប៉ុន្តែតាមការពិតវាជាគេហទំព័រមកពីម៉ាស៊ីនមេរបស់ក្រុមហ៊ុន Google។ បើទោះបីជាក្រុមហ៊ុន Google អះអាងថា

ប្រសិនបើលោកអ្នកកំពុងតែប្រើ MagSafe Battery Pack ដើម្បីសាកថ្មទូរសព្ទ iPhone ហើយមានការធុញទ្រាន់ដោយសារតែការសាកថ្មមានល្បឿនយឺតនោះ លោកអ្នកអាចធ្វើបច្ចុប្បន្នភាពកម្មវិធី (firmware) ដែលមានលេខសំគាល់ 2.7.b.0 ដែលក្រុមហ៊ុន Apple បានដាក់ឱ្យប្រើប្រាស់កាលពីម្សិលមិញ។ ជាមួយនឹងការធ្វើបច្ចុប្បន្នភាពនេះ លោកអ្នកអាចសាកថ្មដែលមានកម្លាំងរហូតដល់ទៅ 7.5W ដែលពីមុនមកលោកអ្នកអាចសាកថ្មបានត្រឹមតែ 5W ប៉ុណ្ណោះ។

ថ្ងៃនេះក្រុមហ៊ុន DuckDuckGo បានប្រកាសដាក់ឱ្យប្រើប្រាស់សាកល្បងកម្មវិធីសម្រាប់ចូលប្រើគេហទំព័រដោយសង្កត់ធ្ងន់លើ មុខងារការពារទិន្នន័យឯកជនភាពរបស់អ្នកប្រើប្រាស់ ដោយមិនចាំបាច់ទាមទារឱ្យអ្នកប្រើប្រាស់មានការយល់ដឹងច្រើនក្នុងការផ្លាស់ប្ដូរការកំណត់ផ្សេងៗនៅក្នុង settings ដូចមាននៅក្នុងកម្មវិធីដទៃទៀត និងមានល្បឿនលឿន។ ក្រុមហ៊ុនបានបញ្ជាក់ដែរថា កម្មវិធីនេះក៏មានភ្ជាប់មកជាមួយនូវមុខងារ Email Protection ដែលអាចលុបចោល tracking pixels មុននឹងបញ្ជូនអុីមែលណាមួយទៅឱ្យអ្នកប្រើប្រាស់។ Tracking pixels គឺជារូបភាពដ៏តូចមួយដែលក្រុមហ៊ុនលួចបង្កប់ជាមួយនឹងអុីមែលដែលពួកគេបានផ្ញើ ដើម្បីលួចតាមដានអ្នកប្រើប្រាស់។

កាលពីពេលថ្មីៗនេះក្រុមហ៊ុន Google បានលុបចោលកម្មវិធីជាច្រើនដែលមានអ្នកប្រើប្រាស់រាប់លាននាក់ បន្ទាប់ពីបានរកឃើញថា កម្មវិធីទាំងនោះបានលួចប្រមូលទិន្នន័យដោយសម្ងាត់ នេះបើតាមការផ្សព្វផ្សាយរបស់សារព័ត៌មាន The Wall Street Journal។ កម្មវិធីទាំងនោះមានមុខងារផ្សេងៗគ្នាមានដូចជា កម្មវិធីតាមដានអាកាសធាតុ កម្មវិធីស្កេនQR កម្មវិធីសម្រាប់អធិស្ឋាន និងកម្មវិធីផ្សេងទៀតដែលមានបង្កប់មកជាមួយនឹងកូដ ដែលអាចប្រមូលទីតាំងជាក់លាក់របស់អ្នកប្រើប្រាស់ អុីមែល លេខទូរសព្ទ និងទិន្នន័យផ្ទាល់ខ្លួនជាច្រើនទៀត។ កូដសម្រាប់តាមដានត្រូវបានបង្កើតឡើងដោយក្រុមហ៊ុន

មិនទាន់បាន ២សប្តាហ៍បន្ទាប់ពីក្រុមហ៊ុន Apple បានដាក់ឱ្យប្រើប្រាស់កម្មវិធីប្រព័ន្ធប្រតិបត្តិការ iOS 15.4 ក្រុមហ៊ុនបានធ្វើបច្ចុប្បន្នភាពកម្មវិធីនេះសារជាថ្មី និងបានដាក់ឱ្យប្រើប្រាស់នូវជំនាន់ iOS 15.4.1 ដើម្បីធ្វើការកែសម្រួលដោយសារតែថ្មរបស់ទូរសព្ទ iPhone ត្រូវបានប្រើអស់លឿនជាងប្រក្រតី។ ជាមួយនឹងការធ្វើបច្ចុប្បន្នភាពនេះ Apple ក៏បានធ្វើការកែសម្រួលបញ្ហាសុវត្ថិភាពជាមួយនឹង AppleAVD ដែលអាចឱ្យជនខិលខូចដំណើរការកូដដោយពុំមានការដាក់កំណត់នៅក្នុងប្រព័ន្ធប្រតិបត្តិការរបស់ទូរសព្ទ(Kernel privileges)។ គួរបញ្ជាក់ផងដែរថា

ការផ្ញើសារជាសំឡេងជាទម្រង់ទំនាក់ទំនងដ៏ពេញនិយមមួយសម្រាប់កម្មវិធីទំនាក់ទំនងសង្គម។ សម្រាប់កម្មវិធី WhatsApp វិញ ជាមធ្យមានសារជាសំឡេងចំនួនប្រហែល ៧ពាន់លានត្រូវបានផ្ញើនៅលើវេទិកាជារៀងរាល់ថ្ងៃ។ ដូច្នេះហើយបានជា WhatsApp កាលពីពេលថ្មីៗនេះ បានបន្ថែមមុខងារមួយចំនួនទៀតដើម្បីធ្វើការប្រកួតប្រជែងជាមួយនឹងកម្មវិធីទំនាក់ទំនងសង្គមផ្សេងៗទៀតមានដូចជា៖ -អាចស្ដាប់សារសំឡេងទោះជាមិននៅក្នុងឆាត (Out of Chat Playback): អ្នកប្រើប្រាស់អាចស្តាប់សារជាសំឡេងនៅខាងក្រៅការជជែក ដូច្នេះពួកគេអាចអាន និងឆ្លើយតបទៅនឹងសារផ្សេងទៀតបាន។ -ផ្អាក/បន្តការថតសារសំឡេង (Pause/Resume