update÷ ឆ្មបដែលរំលូតកូន​ ហេីយកាយទាំងពោះវៀនស្រ្តីរងគ្រោះ​ត្រូវ​បាន​ផ្អាកការប្រកប​វិជ្ជាជីវៈ​រយៈពេល​ពីរឆ្នាំ​  

ក្រសួង​សុខាភិបាល​បញ្ជាក់ថា​ ឆ្មបនៃមន្ទីរ​សម្រាក​ព្យាបាល​ដេីម​អង្ក្រង​ បានធ្វេី​ការ​ធ្វេស​ប្រហែស​ ជាឆ្មបពិតប្រាកដប៉ុន្តែ មិនធ្លាប់បានរៀនបន្ថែម ស្ដីពីការរំលូតគភ៌នៅឡើយ។

ក្រសួង​សុខាភិបាល​បាន​សម្រេច​បិទ​មន្ទីរ​សម្រាក​ព្យាបាល​ដេីម​អង្ក្រង​ និងដាក់​ពិន័យ​ទណ្ឌកម្ម​ដល់ឆ្មប​ អ៊ុង​ ធារិន​។

សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ បន្ទាប់ពីបានឃេីញព័ត៌មានអំពីករណីមួយនេះ​ សម្តេច មានអារម្មណ៍ក្តុកក្តួល​ ក្តីសោកស្តាយ​ និងក្តីអាណិតអាសូរ​យ៉ាងក្រៃលែង ហេីយបានចាត់ឱ្យក្រុមការងារចុះភ្លាមៗដេីម្បីជួយសម្រាលការលំបាកក្នុងពេលព្យាបាល។

ជាមួយគ្នានេះ​ សម្តេចកិត្តិព្រឹទ្ធបណ្ឌិត​ នឹងចេញថ្លៃព្យាបាលទាំងស្រុង និងសូមបួងសួងដល់ជនរងគ្រោះ សៀង​ ស្រីអូន​ ឆាប់បានជាសះស្បេីយឡេីងវិញ។

លោកជំទាវ​ អគ្គលេខាធិការរងទី​១​ ក៏បានពាំនាំនូវការថ្លែងអំណរគុណពីសំណាក់​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ដល់ក្រុមគ្រូពេទ្យ​នៃមន្ទីរពេទ្យកាលម៉ែត ដែលបានខិតខំអស់ពីចិត្តពីថ្លេីមជួយសង្គ្រោះអាយុជីវិតក្មួយស្រីរងគ្រោះ​ និងសូមផ្តាំផ្ញេីដល់ក្រុមគ្រូពេទ្យបន្តយកចិត្តទុកដាក់​ ខិតខំឱ្យអស់ពីសមត្ថភាពដេីម្បីជួយព្យាបាលក្មួយស្រីឱ្យជាសះស្បេីយ។

ទន្ទឹមនឹងនេះ​ លោកជំទាវ​ បានពាំនាំនូវការអំពាវនាវពីសំណាក់​សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ដល់ក្រសួងសុខាភិបាល​ សូមពិនិត្យមេីលពីគុណភាពសុខាភិបាលតាមបណ្តាគ្លីនិក និងពង្រឹងពីសមត្ថភាព​ វិជ្ជាជីវៈ​ និងក្រមសីលធម៌របស់គ្រូពេទ្យ​ ដេីម្បីផ្តល់ក្តីសង្ឃឹម​ ភាពជឿទុកចិត្ត​ និងភាពកក់ក្តៅដល់ប្រជាពលរដ្ឋដែលទៅរកសេវាសុខាភិបាល ៕

អត្ថបទមុន÷ ក្រសួង​សុខាភិបាល​ បិទបណ្តោះអាសន្នមន្ទីរសំរាកព្យាបាល ដើមអង្រ្គង